भारतीय जनता पार्टीले सबैलाई चकित पार्दै भूपेन्द्र पटेललाई नयाँ मुख्यमन्त्री बनाएको छ । व्यवस्थापिका–संसद्को बैठकले यस्तो निर्णय गरेको हो ।
विजय रुपानीले मुख्यमन्त्रीबाट राजीनामा दिएपछि गुजरातको राजनीतिक संकट समाधानका लागि आइतबार विधायक दलको बैठक बसेको थियो ।
जसमा प्रदेशको नयाँ मुख्यमन्त्रीको नाम पनि तय भएको छ । गुजरातको आगामी मुख्यमन्त्री भूपेन्द्र पटेल हुनेछन्।
आइतबार भएको बैठकमा केन्द्रीय मन्त्री नरेन्द्र सिंह तोमरले उनको नाम घोषणा गर्दै भूपेन्द्र पटेललाई विधायक दलको नेता चुनिएको बताए।
भुपेन्द्र पटेललाई मुख्यमन्त्री बनाउने घोषणा भएसँगै विजय रुपानीले उनलाई बधाई दिएका छन् । पार्टी कार्यकर्तालाई सम्बोधन गर्दै उनले भने, ‘प्रधानमन्त्री नरेन्द्र मोदीको नेतृत्वमा देश अगाडि बढिरहेको छ । यस्तो अवस्थामा अब मलाई आशा छ कि भूपेन्द्र पटेलको नेतृत्वमा गुजरातले पनि प्रगति गर्नेछ । मेरो तर्फबाट धेरै धेरै बधाई छ।"
भूपेन्द्र पटेल अहमदाबादको घोडलादिया विधानसभा सीटका विधायक हुन्। पटेल समुदाय राम्रो पकड भएको मानिन्छ। 2017 को विधानसभा चुनावमा उनी पहिलो पटक विधायक बने।
***
