भारतीय शूटर मनिष नरवाल र सिंहराज आधानाले शनिबार सुटिङ रेन्जमा भएको P4 - मिश्रित ५० मिटर पिस्टल एसएच१ फाइनलमा स्वर्ण र रजत पदक जितेका छन्।
१९ वर्षीय मनिषले २१८.२ अंक जोडेर स्वर्ण जित्दा प्याराओलम्पिक कीर्तिमान बनाए भने सिंहराज आधानाले २१६.७ अंकका साथ टोकियो पाराओलम्पिकको दोस्रो पदक जितेका छन् ।
रुसी पाराओलम्पिक कमिटी (RPC) सर्गेई मालिसेभले १९६.८ अंकका साथ कास्य पदक जितेका छन् ।
मनिष नरवालले महिलाको १० मिटर एयर राइफल स्ट्यान्डिङ एसएच१ इभेन्टमा अवनी लेखरा र पुरुष भाला थ्रो एफ६४ विधामा सुमित एन्टिलपछि भारतलाई तेस्रो स्वर्ण पदक दिलाएका छन् ।
यसैबीच, सिंहराज आधाना यी खेलहरूमा धेरै पदक जित्ने अवनी लेखरापछि दोस्रो भारतीय प्याराओलम्पिक खेलाडी बने।
अहिले जारी टोकियो पाराओलम्पिक खेलकुदमा भारतले तीन स्वर्ण, सात रजत र पाँच कास्य पदक जितेको छ । पाराओलम्पिक खेलको एकै संस्करणमा भारतको यो उत्कृष्ट प्रदर्शन हो।
अर्का भारतीय पाराओलम्पिक खेलाडी, कृष्ण नगरले शनिबार भएको पुरुष एकल SH2- सेमिफाइनल खेलमा ग्रेट ब्रिटेनका क्रिस्टेन कोम्ब्सलाई २-० ले पराजित गर्दै फाइनलमा प्रवेश गरे, जसले भारतलाई कम्तिमा रजत पदक सुनिश्चित गर्यो।
***
