पञ्जाबका नवनियुक्त मुख्यमन्त्री चरणजीत सिंह चान्नीले सोमबार मुख्यमन्त्रीको सपथ लिएका छन् । उनलाई राज्यपाल बीएल पुरोहितले पद तथा गोपनीयताको शपथ गराए ।
चन्नीको सपथपछि राहुल गान्धी राजभवन पुगे, नवजोत सिंह सिद्धु र हरीश रावत पनि उनको साथमा देखिए । सबैले चरणजित सिंह चान्नीलाई मुख्यमन्त्री पदको लागि बधाई दिए।
उता, कांग्रेससँग आक्रोशित पूर्व मुख्यमन्त्री क्याप्टेन अमरिंदर सिंह यस समारोहमा देखा परेनन्। चान्नीसँगै कांग्रेस नेता ओपी सोनी र सुखजिन्दर एस रन्धावाले पनि मन्त्रीको सपथ लिएका छन् ।
नगर परिषद्को अध्यक्षमा निर्वाचित भएदेखि पञ्जाबको दलित समुदायबाट पहिलो मुख्यमन्त्रीमा निर्वाचित भएका चरणजित सिंह चान्नीको कद पछिल्लो दुई दशकयता राजनीतिमा बढ्दै गयो ।
पञ्जाबको रुपनगर जिल्लाको चमकौर साहिब विधानसभा क्षेत्रबाट तीन पटक विधायक बनेका चन्नी २०१२ मा कांग्रेसमा सामेल भएका थिए र क्याप्टेन अमरिंदर सिंहको नेतृत्वमा रहेको क्याबिनेटमा प्राविधिक शिक्षा, औद्योगिक प्रशिक्षण, रोजगार सृजना र पर्यटन र सांस्कृतिक मामिला विभागहरू सम्हाल्दै आएका थिए। । चन्नीले राज्य कांग्रेस प्रमुख नवजोत सिंह सिद्धुको क्याम्पको पक्षमा रहेका अन्य तीन मन्त्रीहरूसँग अमरिंदर सिंह विरुद्ध विद्रोह गरेका थिए।
***